أسرار نجاح المهرجان الرياضي الكشفي لأبناء النوبة

كشفت الدكتورة ايمان محمد حسن رئيس الادارة المركزية للانشطة الطلابية بوزارة التربية والتعليم لموقع عيون مصر عن أسرار نجاح المهرجان الرياضى الكشفى الارشادى الثالث لابناء النوبة فى ضوء اهتمام الدولة وتوجيهات معالى الدكتورطارق شوقى للاهتمام بالنوبة والمناطق الحدودية
وقالت سيادتها : لقد كنا فى منتهى السعادة والفخر واحنا واقفين على ارض الذهب ارض السحر والجمال والتاريخ العريق مع اهلها الطيبين اصحاب الثقافة والبطولات والتضحيات العظيمة
شكرا لكل فريق العمل من الادارة العامه للتربيه الرياضيه كلا باسمه وكل واحد منهم اجتهد فى مهمته للوصول للنجاح ده بقيادة الرائعة دكتوره جيهان علام المدير العام واخص بالذكر دينامو المشروع دكتور محمد سعد اللى كان بيتابع كل صغيره وكبيره من ملاعب وملابس علشان الكل يبقى مبسوط ونظهر بصورة مشرفه امام الجميع اما بقى مسئولين الامن الغذائي حسن واحمد عملوا مجهود كبير لارضاء الجميع


اما بقى محمد امام كان كل تركيزه واهتمامه مع تغذية الولاد ربنا يباركله نيجى بقى لاسامه اللى بيوثقلنا كل اللحظات الجميله واللى عمل مجهود رهيب فى التنقل بين الملاعب وسجل كل المسابقات لدرجة كنت مشفقه عليه من المجهود اما بقى فريق الاعداد قبل السفر زهره واحمد سعيد وريم

ونجلاء ووليد عملوا مجهود كبير لانهاء الاداريات والماليات علشان نقدر ننفذ الشغل بالشكل ده
ومسك ختام الشكر للدكتور خالد قبيصى مدير المديريه والدكتور نبيل خلف وكيل المديريه لاهتمامهم وحرصهم على التواجد معانا كل الايام رغم انشغالهم الشديد وكذلك التوجيه العام استاذ سعيد واستاذ بكرى واستاذه ساميه ويارب اكون مانسيتش حد 🥰ولو نسيت فكروني


فى النهايه عايزه اقولكم انى مها حاولت اوصف فرحتنا بفرحة اهالى النوبه البسطاء بوجودنا واستقبال الاهالى لينا بالزغاريد وخروجهم من البيوت علشان يسلموا علينا ويغنوا الاغانى النوبيه الجميله واغانى للرئيس السيسى ماقدرتش احفظها فاكره منها عبارة (السيسى بعتكوا لينا هو مهتم بينا ) 🥰🥰🥰كل الكلمات مش هتقدر تعبر عنها كنا حاسين اننا وسط اهلنا لدرجة كل ايام الشغل كانوا بيجوا الملاعب يقعدوا معانا وجايبين معاهم الشاى بلبن السخن وبقوا اصحابنا كلنا ودخلنا بيوتهم اتصورنا معاهم لان المدارس ملاصقه للبيوت النوبيه واخدوا تليفوناتنا للتواصل والله معظم الاهالى حضروا حفل الختام ان لم يكن كلهم علشان يسلموا عليناويودعونا كانوا زعلانين جدا اننا ماشيين
بجد هما محتاجين مننا ومن كل اجهزة الدوله اكثر واكثر محتاجين تواجد الجميع معاهم ووسطهم باستمرار هما يستاهلوا المزيد وان شاء الله نروح تانى وثالث و……..

عن محمد صبحي

شاهد أيضاً

الشباب والرياضة : انطلاق نهائي الأولمبياد الرياضي الثاني للمحافظات الحدودية بشرم الشيخ اليوم

في ضوء اهتمام القيادة السياسية بتنمية المحافظات الحدودية والعمل علي استغلال طاقة شبابها.تنطلق اليوم فعاليات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *